حبيبي ممكن شويه .....

علشان نفهم 00
البيان ده الهدف منه اننا نقول انا المطالب السبعة هي مطالبنا كلنا واننا متفقين على ان اول خطوه لتغيير الاوضاع السيئة هيكون بتحقيق المطالب 0
هي المطالب ممكن تكون كلها سياسية ده لان اغلبية المشاكل اللي موجوده في البلد سببها فساد المناخ السياسي والمشاكل اللي بيتم حلها بتكون بقرار سياسي يبقا تغيير الاوضاع الاقتصادية والاجتماعية ومشاكل التعليم والبطالة مش هتتحل غير لما كلنا نطالب بيه علشان كده احنا بنجمع توقيعات نقول بيها اننامحتاجين تغيير حقيقي 000000
طيب هنعمل ايه بالتوقيعات دي 00
اولا التوقيعات هتروح للجمعية الوطنية للتغيير اللي بتضم مجموعة كبيرة من السياسيين زي محمد البرادعي وايمن نور ومحمدين صباحي وحمدي قنديل وغيرهم اللي هتتكلم باسمنا في كل الاماكن المسؤولة عن تنفيذ مطالبنا يعني هتطالب البرلمان والحزب الوطني انهم ينفذو مطالبنا ولو ماستاجبوش ساعتها من حقنا ننزل الشارع علشان نعمل ضغط شعبي يجبرهم على التفاوض وهنا دور البيان انه يقوي موقف الجمعية اثناء التفاوض لان الجمعية يبقا معها مطالب مكتوبه وموقع عليها من الشعب 000000
كمان في انتخابات مجلس الشعب
الجايه هنعرض المطالب دي على كل المرشحين والمرشح اللي مش هيوافق على تبني مطالبنا مش هننتخبه وهنا دور اخر للبيان انا المرشح هيلاقي مطالب مكتوبة وموقعة من ابناء دايرته يعني انت بتوقيعك بتشارك في تحديد شكل التغيير اللي بتحلم بيه ليك ولاولادك 00000000000
قانونية التوقيع على البيان :
البيان مكتوب من اكبر المحاميين والسياسيين بعناية ومراعاة لعدم تعرضك لاي مسائلة قانونية لان البيان بيحمل مجموعة أفكار ومفيش قانون يمنع انك توقع على افكار انت متفق معها ولو خايف من المضايقات الامنية لازم تعرف ان في الاف قبلك وقعوا على البيان والاف لسه هتوقع يعني انت هتكون محمي بقوة هذا العدد 0000
قانونية تجميع التوقيعات : لو عايز تجمع توقيعات كمشاركة ايجابية في صنع التغيير فالقانون يعطي الحق لكل فرد ان ينشر الافكار التي يتفق معها باي وسيلة مناسبة والبيان يحمل افكار وجمع التوقيعات يعتبر احد وسائل نشر الافكار واحنا ننصحك ان يكون جمع التوقيعات من اقرب الناس اليك كبداية 00000
للتوقيع على البيان اضغط هنا
شرح موجز لبعض المطالب**
انهاء حالة الطوارئ :

علشان مفيش امين شرطه يفتشك ولا يهينك في الشارع وعلشان مفيش ظابط يهددك بانه يخدك تحري وعلشان نقضي على ظلم كتير بنشوفه بحجة الطوارئ**
الرقابة الدولية على الانتخابات :
هنا لازم نوضح ان مهمةالمراقبين متابعة عملية التصويت ورصد حالات التزوير اثناء الانتخابات ولا يحق لهم التدخل في عملية التصويت وبالتالي فالرقابة الدولية ليست تدخل في الشئون الداخلية زي ما الحزب الوطني بيقول والدليل كمان ان مصر شاركتفي الرقابة على الانتخابات الامريكية السابقة ومهمة الرقابة الدولية انهم يطلعو تقرير عن صحة او بطلان الانتخابات علشان نعرف اصواتنابتتزور ولا مش بتتزور***
كفالة حق الترشيح للرئاسة دون قيود بمعني تعديل المادة 67 من الدستور اللي متفصلة على الحزب الحاكم وجعلها عادلة بمعني ان الترشح للرئاسة بكوكن مكفول لجميع المصريين سواء احزاب او مستقلين دون تعجيز وفي النهاية الشعب هو اللي هيختار المرشح اللي برنامجه الانتخابي بيحقق مصلحته ومصلحة البلد ***
التصويت بالرقم القومي : علشان نقدر نقضي على اهم وسيلة لتزوير الانتخابات لاننا عارفين ان نظام التصويت بالبطاقة الاتخابية كله عيوب وكشوف الانتخابات بيتم التلاعب فيها لمصلحة الحزب الوني لان اسامي الناخبين الي بيكتبها موظفين تبع الحكومة وبالتالي ما فيش شفافية

** كلامنا خلص**

ودلوقتي دورك
انك تقرر انك تكون ايجابي
وتشارك في تحقيق التغيير
او انك تفضل سلبي وتشتكي وخلاص
0 الشرعية الشعبية 00اقوى من الشرعية القانونية
كن ايجابيا وادخل وقع على البيان والمطالب صوتك هيفرق
صوتك هيغير
حان الوقت
لا تتاخر حتى لاتندم
على فكره هتلاقي في البيان طلبات كتير يعني رقم قومي واسم وعنوان اكتبها وده دليل على مصداقية البيان
ومتخافش كتير قبلك وقعه وكتير بعدك هيوقعه
للتوقيع من هنا
او اضغط على الرابط
http://www.taghyeer.net/membership/Signup.aspx